باغ: آزاد کشمیر کے باغ ڈویژن کے دونوں حلقوں کے غیر حتمی نتائج سامنے آگئے، حلقہ ایل اے 15 باغ 2 میں پاکستان پیپلز پارٹی کے امیدوار سردار ضیا القمر جبکہ ایل اے 16 باغ 3 میں مسلم لیگ (ن) کے امیدوار سردار میر اکبر خان کامیاب ہوگئے۔

ایل اے 15 کے 9 اور ایل اے 16 کے 14 پولنگ سٹیشنز پر دوبارہ پولنگ کے بعد دونوں حلقوں کے نتائج مکمل ہوگئے۔

حلقہ ایل اے 15 باغ 2 کے 9 پولنگ سٹیشنز پر دوبارہ پولنگ کے بعد ووٹوں کی گنتی مکمل ہوئی، پیپلز پارٹی کے سردار ضیا القمر نے اپنے قریب ترین حریف مسلم لیگ (ن) کے راجا مشتاق منہاس پر 1900 ووٹوں کی برتری حاصل کرکے کامیابی اپنے نام کرلی۔

دوبارہ پولنگ سے قبل دستیاب نتائج کے مطابق سردار ضیا القمر 16 ہزار 637 ووٹ لے کر پہلے، راجا مشتاق منہاس 15 ہزار 15 ووٹ کے ساتھ دوسرے اور جماعت اسلامی کے امیدوار بریگیڈیئر (ر) راجا محمد خان 12 ہزار سے زائد ووٹ لے کر تیسرے نمبر پر تھے۔

حلقے کے 9 پولنگ سٹیشنز پر مجموعی طور پر 5 ہزار 32 ووٹرز اپنا حق رائے دہی استعمال کرنے کے اہل تھے۔

دوسری جانب حلقہ ایل اے 16 باغ 3 کے 14 پولنگ سٹیشنز پر بھی دوبارہ پولنگ کا عمل مکمل ہوگیا، مسلم لیگ (ن) کے امیدوار سردار میر اکبر خان نے 20 ہزار 793 ووٹ حاصل کرکے کامیابی حاصل کی جبکہ پیپلز پارٹی کے سردار قمر الزمان خان دوسرے نمبر پر رہے۔

اس حلقے میں دوبارہ پولنگ سے قبل سردار میر اکبر 18 ہزار 950 ووٹ کے ساتھ پہلے اور سردار قمر الزمان خان 15 ہزار 750 ووٹ کے ساتھ دوسرے نمبر پر تھے۔

ایل اے 16 کے 14 پولنگ سٹیشنز پر مجموعی طور پر 7 ہزار 238 ووٹرز ووٹ ڈالنے کے اہل تھے، باغ کے دونوں حلقوں میں دوبارہ پولنگ کے بعد ایک نشست پاکستان پیپلز پارٹی اور ایک مسلم لیگ (ن) کے حصے میں آئی ہے۔

The post آزاد کشمیر الیکشن: ایل اے 16 میں مسلم لیگ (ن)، ایل اے 15 میں پیپلز پارٹی کامیاب appeared first on .

اسلام آباد: ن لیگ کے مرکزی رہنما اور وزیر دفاع خواجہ آصف نے کہا ہے کہ امریکا اور ایران میں امن سمجھوتے یا مفاہمت کے امکانات بڑھ گئے ہیں۔
امریکی خبر رساں ادارے بلومبرگ کو دیے گئے انٹرویو میں وزیر دفاع خواجہ آصف نے کہا کہ امریکا اور ایران کے درمیان کسی نہ کسی قسم کے معاہدے یا مفاہمت کے امکانات بڑھ گئے ہیں۔

انہوں نے بتایا کہ گزشتہ 2 سے 3 دنوں کے دوران ملنے والے اشارے بتاتے ہیں کہ دونوں ممالک کسی امن معاہدے یا ڈیل کے قریب پہنچ چکے ہیں۔

وفاقی وزیر دفاع کا مزید کہنا تھا کہ حالات ایک بار پھر امن معاہدے کے حق میں بنتے دکھائی دے رہے ہیں۔

The post امریکا اور ایران میں امن سمجھوتے یا مفاہمت کے امکانات بڑھ گئے ہیں، خواجہ آصف appeared first on .

نیویارک: پاکستان نے مقبوضہ مغربی کنارے کی صورتحال پر اظہار تشویش کرتے ہوئے فلسطینیوں کو تحفظ فراہم کرنے کا مطالبہ کر دیا۔

اقوام متحدہ میں پاکستان کے مستقل مندوب عاصم افتخار نے خطاب کرتے ہوئے کہا کہ مقبوضہ مغربی کنارے کی صورتحال تیزی سے بگڑ رہی ہے، سلامتی کونسل کو فوری اقدام کرنا ہوگا۔

عاصم افتخار نے کہا کہ اسرائیل کے غیر قانونی اقدامات کا مقصد قبضے کو مستحکم کرنا ہے، اسرائیل کی آبادکاری میں توسیع تشویشناک حد تک پہنچ چکی ہے، دیگر علاقوں میں آباد کاری فلسطینی سرزمین کو تقسیم کرنے کی کوشش ہے۔

پاکستانی مندوب کا کہنا تھا کہ آبادکاروں کا تشدد فوری بند اور ذمہ داروں کو جوابدہ ٹھہرایا جائے، مسجد اقصیٰ میں اشتعال انگیز کارروائیوں پر پاکستان کو شدید تشویش ہے، فلسطینیوں کو بین الاقوامی تحفظ فراہم کیا جائے۔

انہوں نے خطاب کرتے ہوئے مزید کہا کہ سلامتی کونسل یونیسیف کی سفارشات پر عملدر آمد کرے۔

The post پاکستان کا غزہ کی صورتحال پر اظہار تشویش appeared first on .

The post اسلام آباد ہائیکورٹ: ججز تعیناتی کی سمری منظور نہ ہونے پر صدر، وزیراعظم کو نوٹس appeared first on .

اسلام آباد: وزیراعظم کے مشیر برائے سیاسی امور رانا ثناء اللہ نے کہا ہے کہ مسلم لیگ (ن) دو تہائی اکثریت سے آزاد کشمیر میں حکومت بنائے گی، دھرنا دینے والے آزاد کشمیر میں الیکشن نہیں روک سکے، دشمن کے ہاتھوں میں کھیلنے والوں کو قانون کا سامنا کرنا پڑے گا۔
وفاقی وزیر انجیئنر امیر مقام کے ہمراہ پریس کانفرنس کرتے ہوئے رانا ثناء اللہ کا کہنا تھا کہ آزاد کشمیر الیکشن کے فیز 3 کا عمل جاری ہے، دھرنا کرنے والوں کو معلوم ہو جانا چاہیے کہ وہ الیکشن نہیں روک سکے، منتخب حکومت جائز مطالبات پر ضرور نظرثانی کرے گی، آزاد کشمیر کے عوام کو ورغلانے والوں کو قانون کا سامنا کرنا پڑے گا۔

انہوں ںے کہا کہ ایک حلقے میں 3 پولنگ سٹیشنز پر پولنگ روکنے کی کوشش کی گئی، اپنی ہار کو دھاندلی کے ذریعے بدلنے کی کوشش کی جا رہی ہے، کہا کہ ایک رکن شہید ہوا لیکن وہ دل کے مرض کی وجہ سے وفات پایا۔

ان کا کہنا تھا کہ مسلم لیگ ن بھاری اکثریت سے آزاد کشمیر میں حکومت بنائے گی، پیپلز پارٹی کے دوست آج اور کل بھی دھاندلی کے الزامات لگاتے رہے، ثبوت نہیں دے سکے۔

انہوں نے کہا کہ پریس کانفرنس میں کہا گیا کہ مرحلہ وار الیکشن دھاندلی ہے، پیپلز پارٹی اس بات پر متفق تھی کہ انتخابات مرحلہ وار ہونے چاہئیں، الیکشن کمیشن آزاد کشمیر نے پیپلزپارٹی کے ہی مطالبے کو مانا، پیپلزپارٹی نے پنجاب کی کسی سیٹ پر میٹنگ اور جلسہ نہیں کیا۔

رانا ثناء اللہ کا کہنا تھا کہ ایک پرامن الیکشن کو اس طرح متاثر کرنا کوئی جمہوری عمل نہیں، مسلم لیگ (ن) کی لیڈر شپ نے جی بی الیکشن کے بعد فراخدلی کا مظاہرہ کیا، ہم پیپلزپارٹی کی قیادت سے توقع کرتے ہیں وہ الٹی گنتی کو سیدھا کر دیں گے، ہمیں توقع ہے پیپلزپارٹی ہماری جیت پر مبارکباد دے گی۔

لیگی رہنما نے مزید کہا کہ دھرنا کرنے والے اپنے مقاصد میں ناکام ہوئے، دھرنا دینے والے خود کو قانون کے حوالے کر دیں، دشمن کے ہاتھوں میں کھیلنے والوں کو قانون کا سامنا کرنا پڑے گا، جن عناصر نے ہتھیار اٹھائے ان کے خلاف کارروائی ہوگی۔

الزام تراشی کرنے والوں نے رات سے سکرپٹ بنایا ہوا تھا: امیر مقام

وفاقی وزیر انجینئر امیر مقام نے کہا کہ الزام تراشی کرنے والوں نے رات سے سکرپٹ بنایا ہوا تھا، صبح 9 بجے سے ہی بیانات دینا شروع ہوگئے، یہ بات آج تک سمجھ نہیں آئی ان کو الزام تراشی سے کیا ملے گا، یہ ہمارے جلسے میں شرکت کرنے والے عوام سے اندازہ لگا لیں، ان کے رونے دھونے پر حیرت ہوتی ہے۔

ان کا کہنا تھا کہ کہا گیا پنجاب سے پولیس اور لوگ خاص مقصد کیلئے بلائے گئے، ہمیں جواب دیں کہ کیا سندھ سے لوگ نہیں آئے؟

امیر مقام نے مزید کہا کہ آج بھی ن لیگ ہی انتخابات میں کامیاب ہوگی، آزاد کشمیر کے موجودہ حالات میں پرامن الیکشن پر داد دینی چاہیے، ان کو خود سوچنا چاہیے کہ عوام نے ووٹ کیوں نہیں دیا۔

The post ن لیگ دو تہائی اکثریت سے آزاد کشمیر میں حکومت بنائے گی: رانا ثناء اللہ appeared first on .

اسلام آباد: وفاقی کابینہ کا اجلاس آج طلب کر لیا گیا ہے جس کی صدارت وزیراعظم شہباز شریف کریں گے۔

ذرائع کے مطابق وفاقی کابینہ کے اجلاس میں ملک کو درپیش معاشی چیلنجز، معاشی استحکام کے لیے حکومتی اقدامات اور مجموعی معاشی صورتحال پر غور کیا جائے گا جب کہ ملک کی سکیورٹی صورتِ حال اور امن و امان سے متعلق امور بھی زیر بحث آئیں گے۔

ذرائع کا کہنا تھا کہ وزیراعظم شہباز شریف کابینہ ارکان کو پاکستان، سعودی عرب اور ترکیہ کے درمیان طے پانے والے دفاعی معاہدے کے حوالے سے بھی آگاہ کریں گے اور معاہدے کے اہم نکات، اس کی علاقائی اہمیت اور پاکستان کے لیے اس کے ممکنہ اثرات پر کابینہ کو بریفنگ دیں گے۔

علاوہ ازیں اجلاس میں دیگر اہم امور، حکومتی معاملات اور قومی پالیسی سے متعلق معاملات بھی زیر غور آنے کا امکان ہے، وفاقی کابینہ صورتِ حال کا جائزہ لینے کے بعد اہم فیصلوں اور آئندہ کے لائحہ عمل پر بھی غور کرے گی۔

The post وفاقی کابینہ کا اجلاس آج طلب appeared first on .

کراچی: وزیراعلیٰ سندھ مراد علی شاہ کی زیرصدارت 12 ربیع الاول کی تیاریوں کے حوالے سے مختلف مکاتب فکر کے علما اور اعلیٰ حکام کا اہم اجلاس ہوا، جس میں صوبے بھر میں سکیورٹی، صفائی، ٹریفک اور شہری سہولیات کے انتظامات کا جائزہ لیا گیا۔

وزیراعلیٰ سندھ نے 12 ربیع الاول کے موقع پر صوبے بھر میں فول پروف سیکیورٹی یقینی بنانے اور میلاد جلوسوں و مذہبی اجتماعات کے پُرامن انعقاد کے لیے تمام انتظامات مقررہ وقت سے پہلے مکمل کرنے کی ہدایت کی۔

مراد علی شاہ نے کہا کہ شرکا کی حفاظت حکومت کی اولین ترجیح ہے، پولیس، رینجرز اور ضلعی انتظامیہ مربوط سکیورٹی پلان پر مؤثر عملدرآمد یقینی بنائیں، جلوسوں اور مذہبی اجتماعات کی سکیورٹی کی مسلسل نگرانی اور قانون نافذ کرنے والے اداروں کی مؤثر تعیناتی بھی یقینی بنائی جائے۔

وزیراعلیٰ سندھ نے 12 ربیع الاول کے موقع پر شہریوں کو بلا تعطل بنیادی سہولیات فراہم کرنے کی ہدایت کرتے ہوئے کہا کہ مساجد، امام بارگاہوں، جلوسوں کے راستوں اور میلاد اجتماعات کے مقامات پر بجلی، گیس اور پانی کی فراہمی یقینی بنائی جائے، ضروری شہری سہولیات میں کسی قسم کی رکاوٹ برداشت نہیں کی جائے گی۔

انہوں نے کے الیکٹرک، سوئی سدرن گیس کمپنی، واٹر کارپوریشن سمیت تمام متعلقہ اداروں کو مکمل طور پر چوکس رہنے کی ہدایت کی۔

وزیراعلیٰ نے 12 ربیع الاول سے قبل اور دوران صوبے بھر میں خصوصی صفائی مہم چلانے، جلوسوں کے راستوں، اطراف کے علاقوں اور عوامی مقامات کو صاف رکھنے کی بھی ہدایت کی۔

مراد علی شاہ نے کہا کہ تقریبات سے قبل نکاسی آب اور سیوریج کے مسائل حل کیے جائیں، ٹوٹی سڑکوں اور بند نالوں کی فوری مرمت کی جائے جبکہ اوور فلو سیوریج لائنوں سمیت دیگر شہری مسائل بھی 12 ربیع الاول سے پہلے حل کیے جائیں۔

اجلاس میں آئی جی سندھ نے 12 ربیع الاول کے سیکیورٹی پلان اور ٹریفک انتظامات پر بریفنگ دی، وزیراعلیٰ سندھ نے تمام ڈویژنل کمشنرز، ڈپٹی کمشنرز، پولیس افسران اور بلدیاتی اداروں کو باہمی رابطہ مؤثر بنانے اور انتظامات کی مسلسل نگرانی کی ہدایت کی۔

مختلف مکاتب فکر، جن میں دیوبندی، اہل حدیث اور اہل سنت والجماعت سمیت دیگر علما شامل تھے، نے سکیورٹی، صفائی، ٹریفک اور شہری سہولیات سے متعلق تجاویز پیش کیں۔

وزیراعلیٰ سندھ نے علما کی تجاویز سنیں اور متعلقہ اداروں کو تحفظات ترجیحی بنیادوں پر دور کرنے کی ہدایت کی۔

مراد علی شاہ نے بین المسالک ہم آہنگی اور مذہبی رواداری کے فروغ میں علما کے کردار کو سراہتے ہوئے کہا کہ تمام مکاتب فکر کے علما کا امن، اتحاد اور مذہبی ہم آہنگی کے فروغ میں کردار قابلِ تحسین ہے، ہماری طاقت اتحاد میں ہے، پیغامِ رسول اکرم ﷺ امن، محبت، رواداری اور بھائی چارے کا پیغام ہے۔

انہوں نے کہا کہ 12 ربیع الاول کا مقدس موقع عقیدت، احترام اور مذہبی ہم آہنگی کے ساتھ منایا جائے اور منتظمین و شہریوں کو درپیش مسائل فوری طور پر حل کیے جائیں۔

اجلاس میں سینئر وزیر اطلاعات شرجیل انعام میمن، وزیر محنت سعید غنی، وزیر بلدیات ناصر حسین شاہ، وزیر مذہبی امور ریاض حسین شاہ شیرازی، میئر کراچی بیرسٹر مرتضیٰ وہاب، چیف سیکرٹری آصف حیدر شاہ شریک ہوئے۔

آئی جی سندھ جاوید عالم اوڈھو، کمشنر کراچی سید حسن نقوی، ایڈیشنل آئی جی کراچی آزاد خان، ڈی آئی جی ٹریفک پیر محمد شاہ سمیت دیگر اعلیٰ حکام اور مختلف مکاتب فکر کے علما نے بھی اجلاس میں شرکت کی۔

The post 12 ربیع الاول: سندھ حکومت کا فول پروف سکیورٹی پلان بنانے کا فیصلہ appeared first on .

اسلام آباد: حکومت نے پٹرول کی قیمت میں اضافہ کر دیا، جبکہ ڈیزل کی قیمت میں کمی کردی گئی۔

پٹرولیم ڈویژن کی جانب سے جاری نوٹیفکیشن کے مطابق ہائی سپیڈ ڈیزل کی قیمت میں 2 روپے فی لٹر کمی کی گئی ہے، جس کے بعد ڈیزل کی نئی قیمت 385 روپے 86 پیسے فی لٹر مقرر کر دی گئی ہے۔

اسی طرح پٹرول کی قیمت میں 4 روپے 45 پیسے فی لٹر اضافہ کر دیا گیا، جس کے بعد پٹرول کی نئی قیمت 333 روپے 1 پیسے فی لٹر ہو گئی ہے۔

پٹرولیم ڈویژن کے مطابق پیٹرول اور ڈیزل کی نئی قیمتوں کا تعین اوگرا کی جانب سے کیا گیا ہے جو آج رات 12 بجے سے کل رات 12 بجے تک نافذ العمل ہوگیا۔

The post حکومت نے پٹرول کی قیمت میں اضافہ کردیا، ڈیزل سستا appeared first on .

راولپنڈی: فیلڈ مارشل سید عاصم منیر نے نیشنل ایمرجنسیز آپریشن سینٹر (این ای او سی) ہیڈکوارٹرز کا دورہ کیا، جہاں انہیں مون سون سیزن کے دوران ممکنہ آفات سے نمٹنے کے لیے کیے گئے انتظامات پر تفصیلی بریفنگ دی گئی۔

پاک فوج کے شعبۂ تعلقات عامہ (آئی ایس پی آر) کے مطابق چیئرمین نیشنل ڈیزاسٹر مینجمنٹ اتھارٹی (این ڈی ایم اے) نے فیلڈ مارشل کو نیشنل ایمرجنسیز آپریشن سینٹر کی آپریشنل صلاحیتوں، نگرانی کے نظام اور ہنگامی صورتحال سے نمٹنے کے طریقہ کار سے آگاہ کیا۔

فیلڈ مارشل سید عاصم منیر نے قدرتی آفات سے نمٹنے کی قومی صلاحیت کو مضبوط بنانے کے لیے این ڈی ایم اے کی کاوشوں کو سراہتے ہوئے انفرااسٹرکچر کے تحفظ، مؤثر ادارہ جاتی رابطہ کاری اور بروقت ردعمل کی اہمیت پر زور دیا۔

انہوں نے ہدایت کی کہ انسانی جانوں اور اہم قومی انفرااسٹرکچر کے تحفظ کو ہر صورت یقینی بنایا جائے تاکہ کسی بھی ہنگامی صورتحال میں نقصانات کو کم سے کم رکھا جا سکے۔

آئی ایس پی آر کے مطابق فیلڈ مارشل نے اس عزم کا اظہار بھی کیا کہ پاکستان کی مسلح افواج قدرتی آفات کے دوران ریلیف، ریسکیو اور بحالی کی سرگرمیوں میں سول اداروں کی ہر ممکن معاونت کے لیے مکمل طور پر تیار ہیں۔

The post فیلڈ مارشل کا این ڈی ایم اے ہیڈکوارٹرز کا دورہ appeared first on .

اسلام آباد (زیڈ این این) الیکشن کمیشن آف پاکستان نے پنجاب میں یونین کونسلز کی حدبندیوں کے لیے نظرثانی شدہ شیڈول جاری کر دیا ہے، جس کے تحت حدبندیوں کے عمل کو مقررہ وقت میں مکمل کیا جاءے گا۔الیکشن کمیشن کے جاری کردہ شیڈول کے مطابق یونین کونسلز کی حدبندیوں پر اعتراضات 4 جولاءی تک داءر کیے جا سکیں گے، جبکہ ان اعتراضات پر فیصلے 29 جولاءی تک کیے جاءیں گے۔شیڈول کے مطابق پنجاب کی یونین کونسلز کی حلقہ بندیوں سے متعلق قاءم کمیٹیوں کو فیصلوں سے آگاہ کرنے کی آخری تاریخ 7 اگست مقرر کی گءی ہے۔
الیکشن کمیشن کا کہنا ہے کہ یونین کونسلز کی حتمی حلقہ بندیاں 17 اگست کو شاءع کی جاءیں گی، جس کے بعد پنجاب میں بلدیاتی انتخابات کے انعقاد کے لیے باقاعدہ انتخابی شیڈول جاری کیا جاءے گا۔حلقہ بندیوں کے عمل کو بلدیاتی انتخابات کے انعقاد کی جانب اہم پیش رفت قرار دیا جا رہا ہے۔

The post پنجاب میں یونین کونسلز حدبندی کا نیا شیڈول جاری appeared first on .